I jepet lamtumira e fundit Valton Berishes, kitaristit te bendit Purgatory 

Sot, në Peje iu dha lamtumira e fundit kitaristit të bendit Purgatory, Valton Berisha.

Valtoni ishte njeri që mblidhte rreth vetës njerëz të mirë e me vullnet të mirë, këtë e dëshmoi edhe sot, ku përveç anëtarëve të bendit të tij Enis Potoku, Driton Ajeti dhe Fatmir Gashi, Valtoni i bashkoi shumë shokë e miq edhe pse në pandemi.

Nga Zvicra kishin ardhur edhe shumë miq të tij dhe së bashku me familjarët vunë mbi varr një kurorë në formë kitare.

Tingujt e kitarës së tij do jehojnë përherë mes artdashësve dhe kudo që festohet me hare e gëzim, sepse e tillë ishte mënyra e të jetuarit të tij.