Mediat Sociale
Categories

Post Categories

Subscribe Now
Trending News
SUBSCRIBE NOW
Trending News

Postime tjera

I URREJ PROFECITË NEGATIVE, QË KANË EPILOG TË SAK
Kolumne

I URREJ PROFECITË NEGATIVE, QË KANË EPILOG TË SAK 

Nuk e mbroj Ilirin dot vetëm pse nuk e dua Edin. Kaq i pafytyrë nuk mund të jem as në ditën dhe formën më të keqe, sepse janë paketim me përmbajtje të njëjtë.

I dallojnë vetëm etiketat e ndryshme.

Edhe diçka :

Nepotizmi është nepotizëm pavarësisht se kush e praktikon.

Prandaj mos u bëni faqezi duke e arsyetuar këtë të fundit, vetëm pse jeni të verbëruar nga dashuria e zjarrtë për politikanët e taborrit, sepse pa e vërejtur fare do të shndërroheni në budallenjë të oborrit, pasha natën e vorrit.

Sepse nepotizmi që futet brenda përmes dritares së vogël, nuk nxirret, respektivisht nuk dëbohet jashtë as përmes derës së madhe.

Ju pushtetarët nëse dëshironi të jeni të besueshëm reflektoni pozitivisht ndaj paknaqësisë së njerëzve që j’u kanë besuar, ashtu siç keni reflektuar pozitivisht kur j’u kanë përkrahur.

Ndërkaq ju militantë symbyllur që keni përceptim, dashuri dhe qasje naive ndaj partive politike, njësoj si ndaj ekipeve të dashura të futbollit, reagoni me kohë ndaj gabimeve të trainerit dhe ekipit, e jo tek pas pranimit të autogolit.

Përndryshe do ta kuptoni shumë shpejtë që j’u kanë mashtruar dhe pastaj zhgënjimi do të jetë njëqind fish më i madh sesa çdo shpresë e pa shuar.

Nëse nuk reagoni me kohë, pas katër vitesh do të jetë vonë dhe për ta kthyer besimin në ta, nuk do t’ju ndihmojë asnjë kushtrim, apo jehonë.

Prandaj mos i lejoni asesi idhujt tuaj që t’i lëndojnë standardet, gjegjësisht kriteret etike dhe morale që i kanë krijuar vetë, sepse do të shndërrohen në pengesa të patejlakueshme për ta, respektivisht për njerëzit që ju i doni aq shumë, saqë u besoni në gjumë.

Nuk ka roje më efikase të vlerave sesa vigjilenca, këtë nuk e kam shpikur unë, por e thotë shkenca.

Sepse njerëzit pa vigjilencë janë arusha të shpellës, të cilat aq shumë e duan gjumin, saqë nuk zgjohen dot, edhe nëse ua futni brenda lumin.

Mos harroni se ata që ishin siç ishin, ishin prodhimi i yni dhe jo i jashtëtokësorëve, njësoj siç janë prodhim i yni edhe këta që janë tani në pushtet.

Prandaj asgjë s’mund t’i bëjë më të njëjtë me paraardhësit e tyre, sesa besimi juaj i verbër, si i tifozëve të futbollit.

Thjesht janë lindur dhe rritur nën të njëjtin qiell, e kanë thithur ajrin e njëjtë, e kanë pirë ujin e njëjtë dhe janë ushqyer me të njëjtin ushqim trupor dhe shpirtëror.

Prandaj asgjë nuk i mbron më shumë nga rrënimi moral, sesa droja nga përgjegjësia dhe llogaridhënia.

Sepse shqiptari do zor, përndryshe shndërrohet shumë shpejt në matrapaz dhe horr.

Sepse preventiva e pa ndodhur, prodhon pacientë të sëmurë rëndë, respektivisht për vdekje të lodhur.

Shpesh kam postuar gjëra të cilat i keni vlerësuar tek pas tri apo katër vitesh siç duhet, sepse në ndërkohë janë shndërruar në profeci.

Dhe më besoni, nuk kam fare dëshirë, imperativ dhe vullnet për t’u shndërruar në Nostradamus.

Shumë më tepër kam vullnet për të jetuar në një shoqëri normale dhe shtet serioz.

Jo pse e dua vetveten, por sepse i dua fëmijët e mi më shumë se jetën.

Related posts

Të gjitha të drejtat janë të rezervuara © 2021 Portali GazetaKosovare. Web has been designed by BeamWebsite